AANKHEN....

aankhen
nend bhari aankhen
har subah kuch kar dikhane ke joshse bhari aankhen
vaisi hi kuch aankhen jo bin soche bin chaahe bas jeet jaa rahi hain
woh aankhen jo har waqt apne aansun eeshwar ke haathse mit te mehsoos karti hain
woh aankhen jo gusse mein muskuraatin hain,khushi mein roti hain aur ghum mein paththar ban jaati hain
aankhen jo chup rehti hain,machalti hain,uchalti hain
aatma tak channi karti hai
woh aankhen jinmein pyaar bhi hai aur jalan bhi
samajhdar bhi hain aur alhar bhi
sharmati hain,ithlati hain,balkhati hain,nakhre karti hain
roothti hain,manati hain
ek hi pal mein kisi ko raja to kisi ko rank banati hain
jo apne aapko kisi aur mein dhoonti hain
na mil paane par do hokar bhi akeli ho jaati hain
juda hokar bhi eksaath hain
rona hasna khulna band hona sab ek saath hi to karti hain
dinse jhoojhne wali thaki aankhoanse pyar hai
har pal mandrati kahin na tikne wali aankhen
sabse zyada uttejit sabse marm sabse nishpaak sachhi jhoothi
gaal,honth,maatha gardan aur haath,in sabko pyaar ki daud mein harati hain
apna aap mein sammaye anginat sapne adhoore ya poore
mumkin na mumkin sahi ya galat
bimar hojaane par chup chaap chasma pehne wali
akhbaar padhke dukhi hone wali
muskurane wali ,mayoos hone wali
pyar ka izhaar karti,pyaar ko thukrati
pyar ko khatm karti ,pyaar ko bachaati
bin tole deti hui aankhen,bheekh maangti aankhen
aansu rokti kaapti aankhenhansi se lablabati
garv se unchi,sharmse jhukti
paida hote hi nayi zindagi ko choomti aankhen,jeevan ke ant mein apne rang chhodti aankhen
eshwar se apni galati poochti,dagmagati drishti heen aankhen
khel khelti , khel mein maat deti
lalahit hoti,pheeki padti
eshwar ki oar uthti,ishwar ke saamne jhukti aankhen
apne aapko dekhti aankhen,apne aapko samjhati aankhen
intezaar karti aankhen,faisla leti aankhen,rondi hui aankhen,
duniya ke rang dikhane wali aankhen,duniya ke rang dhoondhti aankhen
aaene mein sirf apne aapko sach batati aankhen
sabse apna aap ko chupati aankhen
bewakoof aankhen,tez aankhen
bachpane se bhari aankhen,duniya se jhlsi hui aankhen
saral , teekhi,matlabi aankhen
bin matlab roti aankhen,anjaan aankhen
chhotse dukhti,madhosh behosh aankhen
jaate hue ko rokti,intezaar karti aankhen
mamta se bhari,apna paraya karti aankhen
bezubaan,apni hi bhaasha bolti aankhen
badi,choti , tirchilal pili phiki padti aankhen
aankhoan mein hi khoti aankhen
bazar mein yun hi tehelti,taktaki lagati aankhen
bhagti bachti aankhen,daantkar puchkarti aankhen,
pyaarse dhoka deti
alvida kehti,pighalti,gale lagati,kuch sochti,kuch dhoondhti,kuch poochti nirjeev aankhen

mujhe bas aankhoanse pyaar hai
meri aankhoan se pyaar hai